22.2.17

Nola izan enpresa erakargarri XXI. Mendean? ERANTZUKIZUN SOZIALA ETA ELKARLANA

Nola izan enpresa erakargarri XXI. Mendean?
ERANTZUKIZUN SOZIALA ETA ELKARLANA

EGUNA 2017ko Martxoak 2, osteguna | ORDUTEGIA 10:00 - 14:00 | LEKUA SALTO SYSTEMS - Oiartzun

Enpresa erakargarria izateko, irabazi ekonomikoei ez ezik, eragin eremuko komunitatearen garapenari ere erreparatu behar diogu. Enpresa aurreratuek gizartearekiko konpromisoa dute iparretako bat, horrek ere enpresaren iraunkortasunari laguntzen diolako.

Bide horretan ingurumenak, berdintasun politikak, lana eta familia orekatzeko kontziliazio neurriak edota gertuko gizartearekiko zein garapen bidean dauden herrialdeekiko konpromisoak enpresa gehienetan bere lekua aurkitu badute, hizkuntza komunitateen arteko bizikidetza bermatzea eta enpresa arduratsuen sareak eraikitzea gaur eta biharko enpresa arrakastatsuek gainditu beharreko erronkak dira.

Jardunaldi honetan bi gai nagusi jorratuko ditugu: batetik enpresen ardura soziala osatzen duten faktoreak eta hauen baitan hizkuntzen kudeaketa egokiak betetzen duen papera; eta bestetik enpresa sareak aztertuko ditugu, horiek eratzeko arrazoiak zein onurak aztertuz.

Bi arlo berritzaile hauek Oarsoaldeko gero eta enpresa gehiagoren agendan txertatzea berebiziko kontua baita bertako espazio sozio-ekonomikoa eguneratu eta indartzeko. Jardunaldi hauen helburua da, baita ere, arduratsu jokatzen duten enpresen ikusgarritasuna areagotzea eta haien arteko elkarlana sustatzea.


Egitaraua


10:00 - 10:10 Aurkezpena
10:10 - 11:10 Hitzaldia: Enpresen ardura soziala eta hizkuntza kudeaketa: zergatik eta nola ekin.
Josep Maria Canyelles, Responsabilitat global
11:10 - 11:30 Atsedenaldia / Kafea
11:30 - 12:30 Mahai Ingurua: Enpresen erantzukizun soziala eta elkarlana.
  • Nerea Azurmendi, Diario Vasco
  • Fermin Lazkano, Tkgune-Asmaola
  • Beñat Irasuegi, Talaios - Olatu koop
  • Anaje Narbaiza, Elay
  • Miren Lauzirika, Art for Life!
12:35-13:15 Talde Fokala
  • Zer behar dugu enpresok aktibatzeko? Errenteriako enpresa lantaldea
  • Zeren inguruan antola ditzakegu enpresa sareak Oarsoaldean?
hizlariak 
Josep Maria CanyellesJosep Maria Canyelles
Enpresen eta erakundeen erantzukizun sozialean aditua. Vector 5 · Excel·lència i Sostenibilitat aholkularitza sortu zuen, responsabilitatglobal.com erakundea eta Lurralde arduratsuak sustatzeko Collaboratio proiektua bultzatu ditu. Enpresa, gobernu eta irabazi gabeko erakundeen aholkularia. Katalunia mailan EES garatzeko respon.cat ekimenaren koordinatzailea.
Argazkia: Frederic Camallonga
 
Anaje NarbaizaAnaje Narbaiza
Antzuolako Elay enpresa industrialeko Metrologia arduraduna, eta planaren idazkaria izan da. Lan-munduan euskara lan Hizkuntza izatea lortu duen lehen esperientzia. Herrian ere eragina izan du; izan ere, Antzuolako hiru enpresa nagusietan euskararen erabilerak gora egin du nabarmen.
Argazkia: Argia






Miren LauzirikaMiren Lauzirika
Sortzailea, aholkularia eta hezitzailea. Art for Life! aholkularitzak sormena sustatu nahi du lan eta gizarte arloetan. EmakumeEkin elkarteko presidente-ordea. Emakume ekintzaileei laguntza eskaini eta enpresa munduan dihardutenak nabarmentzeko asmoz sortutako sarea.
Fermin Lazkano 






Fermin Lazkano
Elgoibarko Makina Erreminta Institutuan (IMH), enpresentzako formazioa eta zerbitzuen arduraduna. Enpresa industrial txiki eta ertainei berrikuntza aplikatuan laguntzeko Tkgune fabrikazio sareko koordinatzailea. Gipuzkoa 4.0 Fabrikazio aurreratuko sarean "Gehitze bidezko Fabrikazioa" arloko erakusle. Estrategia eta Berrikuntza aholkulari. Ekonomista eta Master Berrikuntzaren Kudeaketan.
Argazkia: Dani Blanco. Argia
Beñat Irasuegi 



Beñat Irasuegi
Errenteriako Talaios kooperatibako sortzaile eta langile, estrategia, kudeaketa eta sustapen arloan. Olatukoop ekimeneko partaide (ekonomia sozial eraldatzailea sustatu nahi duen enpresa, elkarte, erakunde eta kooperatibek osatu duten sarea). Koopfabrika programan ari da, Gipuzkoako hiru eskualdetan (Debagoienan, Beterri-Buruntzan eta Oarsoaldean) ekonomia sozial berria eta ekintzailetasun soziala sustatzen.
Argazkia: Tapuntu
Nerea Azurmendi 



Nerea Azurmendi
Kazetaria. Hainbat komunikabidetan lan egin du: Deia, Eguna, Diario Vasco... eta Zabalik astekariko zuzendaria izan zen. Donostiako Udaletxeko prentsa bulegoko arduraduna izan zen, baita Euskadiko ekonomia eta gizarte kontseilukoa ere.
Argazkia: Gaur irekiko ditu ateak dokumentala.

0 comentaris: